الأربعاء، 20 يناير، 2010

حنكلولو

تعرف ايه عن الحنكلولوه


الحنكلولوه ده حاجه حلزونيه

مستكينه ملتويه

يعنى سهن وعامل نفسه عادى


أيون

الحنكلولوه ده اسم الخطه الجديده

حنكلولوه زى ماقلتلك

واحد مستكن مسهوك كدة

عنده بلاده فى التفكير

تأخر عقلى واضح

عبط مستمر ليل نهار

تشوفه تفتكر اسرى حرب 73


ده فعلا بقى حال ناس كنير

والاسباب معروفه

مش هقولك بقى السكر اللى بقى باربعه جنيه ونص

ولا رغيف العيس اللى بقى يتشاف بعدسه مكبرة عشرة اكس

ولا التلوث اللى مالى البلد

ولا الزحمه

ولا امناء الشرطه اللى بيتنططوا على خلق الله

ولا عسكرى المرور اللى لازم يتصبح ويتمسى بجنيهين

ولا المدير الفنى لمنتخب مصر اللى مصمم يلاعب عماد متعب حتى لو برجل واحدة

ولا من المدير التانى اللى مانتش عارف عايز يعمل فينا ايه

ولا من المدير التالت ( اللى بالى بالك)- بلاش نتكلم فى السياسه



سيبك من الكلام ده كله

وتعالى نلعب حنكلولوه


اعمل نفسك عبيط وامشى فى الشارع مدلدل ريالتك على صدرك

ولو حد كلمك صرخ فى وشه


واهم حاجه تطول شعرك اخر حاجه وتلبس لبس معفن

بعد اسبوع من تقمص الشخصيه هتلاقى نفسك بتعيشها بواقعيه غريبه

كمل كمان اسبوع يعم ولو عاجبك الحال ابقى ادعيلى



ثوانى همسح الرياله علشان بللت البنطلون

حنكلولو


الاثنين، 4 يناير، 2010

انا ولا حاجه




كان نفسي يوم اكون حاجه




و الحمد لله


بقيت حاجه


حاجه مهمه احيانا


واحيانا ..... ولا حاجه


اصل دي غريزه بشريه انك تكون حاجه


والله مش حلم ...ولاحاجه


انا فعلا بقيت حاجه


طب هقولك حاجه


ايه الفرق بينك وبين اى حاجه


اى حاجه محطوطه على اى حاجه


بيجي عليها التراب وكل حاجه


واخر السنه او يوم العيد بيمسحوها وينضفوها بحاجه


وممكن كمان يزينوها ويحطوا عليها حاجه


صدقنى


دى حاجه بسيطه


حاول بس تكون حاجه

وف يوم من الايام هتكون حاجه


بس حط الحاجه دى قدامك...... فى بالك فى اى............ حاجه


وصمم وحاول ....


لو معرفتش ..... اوعى تقول انا فاشل او حاجه


لا يا حبيبى والله انت حاجه


حاجه مهمه بالنسبالى


وبالنسبه لناس كتير ....حاجه


هكرر تانى اوعى تقول انك فاشل ولا حاجه


وف يوم هتيجى وتقولى انك دلوقتى بقيت حاجه


ساعتها اوعى تنسى انى قلتلك حاجه



انك ف يوم هتكون حاجه