الاثنين، 22 مارس، 2010

عنتر وعبلة (مشهد رومانسى)


المنظر الاول:عنتر وعبله


فى وقت الغروب وبين اشعه الشمس الصفراء وحفيف الهواء العليل على رمال الصحراء وعلى صخرة الملتقى حيث دائما يكون اللقاء بين العاشقين والعاشقات

يقف عنتر جاثيا على ركبيته مرتديا ثياب الجاهليه – والعمامه – يظهر من تحتها الشعر الطويل –

وعبله تقف امامه فى ثيابها السوداء البدويه





عنتر: فى شوق ولهفه

يا عبل .... مر فراقك......... مر العلقم

قطعت القفارى وجئتك....... فتكلمى



عبله فى حجل

عنتر .....

لو انى تكلمت الدهر وافنيت الكلام

ما استطعت حتى ان اصف الغرام



عنتر :

عبلتى ذكرتك بين ثنايا الرماح وصليل السيوف وصهيل الخيول

ذكرتك والفوارس يدقون الطبول

بين سهم ودرع . رسمت الحروف

ولان طال بى العمر لقطعت الانوف

لاجلك يا عبل يا من سكنت القلوب



عبله

رأيت الجيوش والخيول والفرسان

فدق قلبى خوفا على الخلان

فقلت ابعث اليك سلامان

سلاما من قلب خاف الحرمان

وسلاما من جفن لن ينام



المشهد الثاني عنتر وعبله 2010


كازينو على النيل – موسيقى صاخبه

عنتر يرتدى بنطلون جينز مسقطه الى نصف مؤخرته حتى يظهر البوكسر من الخلف ماركه قوتونيل –

ويرتدى بودى ربع كم مبين عضلاته ونص صدرة – تسريحه شعر القنفد ودوجلاس وسوالف عريضه ولابس فى ايده 13 حظاظه و6 خواتم و3 دبل

ويجلس على ترابيزة واضعا رجل على اخرى

وتجلس عبله على الكرسى الاخر مرتديه استيرتش محزق على الاخر وصندل ابيض وبودى ابيض ومسرحه شعرها كنيش

وبياكلوا ترمس وبيرموا القشر ف وش بعض



عنتر فى لا مبالاه يقول

ايه موزة انت هتقعدى ساكته كدة طول الليله ولا ايه

مافيش وحشتنى ياد – بحب ياله – كلام من الزباله بتاع اهلك دة

ولا عمله مكسوفه يعنى – اللى يشوفك دلوأتى ما يشوفكيش امبارح وانت قاعدة مع الواد ميدو بتاع تالته تجارة

كنتى مظبطاه كلام حب وحركات



عبله

بيبى ... الموضوع مش موضوع كسوف

وبعدين انت اجمد من الواد ميدو بتاع تالته تجارة ميت مره بس انا زهقت من امك

بصراحه بئى



عنتر :

انتى اللى بنت زباله ماشيه مع الدفعه كلها مقضيها خروجات مع اللى يسوى واللى ما يسواش



عبله

ممكن بعد الكلمتين دول احلقلك بس عادى هعديهالك المره دى

قشطه ؟

عنتر

قشطه

تعالى بقى نخرج بالليل نروح الديسكو مع تامر وهايدى



عبله

خلاص ماشى انا هظبط ماما واضربلى منها بريزتين واجى اتسنكح معاكو بالليل



يالا بقى باى لاحسن اتاخرت



عنتر

رنات بقى ....باى






الأربعاء، 17 مارس، 2010

الى كل نساء العالم

http://www.youtube.com/watch?v=66hyZfUyMXs




الى كل نساء العالم





الى كل أم


الى كل امرأة






وافقت على ان تتزوج


لتكون خادمة لرجل مثلى


لتحبس حرياتها تحت امارتى


فلا تتحرك الا بفرمان


ولا تتنفس الا بامر منى


ضحت بهواياتها وحياتها الشخصيه لاجلى


سهرت الليالى تنتظرنى اذا تأخرت


وقفت بالساعات فى المطبخ لتعد لى الطعام


ثم ياتى حضرتى او من هم مثلى يأكلون واذا لم يعجبهم الطعام


يتأففون ويتذمرون ويشوحون ويلوحون


***************


وافقت على ان تحمل ابنى فى بطنها تسعه اشهر


ولو طلبت هى منى ان احمل لها شيئا حلمته متذمرا


وعايرتها بمساعدتى لها






كادت تموت حتى وهى تلد لى ولدى






تورمت قدماها وهى تحمل ولدى وتطوف به جنبات البيت حتى يكف عن البكاء






سهرت به الليالى اذا مرض






عملت كخادمه ومرضعه و ... و...... لاجل ابنى






شهور عديده تقوم بغسل مكان براز الولد بلا تأفف ولا تعفف


واذا حاولت يوما انا اغسل برازة لتقيأت من القرف






وفى النهايه وبعد كل هذة الخدمات الشاقه المؤبدة .......ما جزائك لها ؟






هل كافئتها يوما ؟


كلا


بل : بلغت الجهد حتى تعاندها وتكسر اضلاعها


اذا جلست لتتحدث اليك اعرضت عنها






هل جزاء الاحسان الا ........


الاحسان






ولما كبرت وصرت شابا يا فعا


اول ما كبرت يداى لوحت بها فى وجه امى






ايها الرجل :


ايها الرجال


كفاكم جهل وكبر وغرور


فانتم والله لاشىء بدون امهاتكم ولا ازواجكم


***********************


الجنه تحت اقدام الامهات


الامهات = النساء


اى كل امرأة تزوجت فأنجبت تحت اقدامها الجنه






اما الرجال


فما لكم علينا من فضل














باسم كل رجل


باسم كل الرجال اعتذر الى امهات العالم







الثلاثاء، 16 مارس، 2010

رمبم הרמב"ם


فى وقت زاد فيه اليهود مؤامراتهم لهدم الاقصى الشريف


وبعد الاستيلاء على العديد من الاماكن المقدسه حول الاقصى

يقول ربنا ( الذى باركنا حوله )

وحولها الى دور عبادة لهم

فى وقت ذاد فيه كرهنا لاسرائيل

فى وقت ذاد فيه ذلنا من اسرائيل



تأتى المصيبة الثالثه على التوالى

بعد العار الذى حدث اثناء حرب غزة . والحصار المصري لهم

وبعد جدار العار

تأتى الثالثه (معبد موسي بن ميميون )

هم يهدمون مساجدنا – ونحن نجدد ونعيد بناء معابدهم

بل وندعوهم لحضور حفل الافتتاح

فيأتون ويرقصون ويسكرون

تحت رايه مصر والمصريين



يبقى السؤال : هل باعت مصر القضية؟





weather counter

الثلاثاء، 9 مارس، 2010

انا عايز أخس



انا عايز اخس








بصراحه وزنى زاد وبقيت مش طايق نفسى


كل اللى يعرفنى لازم يعلق عليا


اللى يقولى يتربى فى عزو


واللى يقولك مصر عليت أوى اليومين دوول


واللى يقولى ارحم .... على اساس انى باكل كتير يعنى


الموضوع كله 5 وجبات ف اليوم مش اكتر ولا اقل


منهم 3 تخاطيف فى الشغل كدة بسكوتات على شيبسيات


والاكله الرئيسيه اللى كل الناس بتاكلها – الغدا اللى هو داخل فى العشا طبعا الوجبه دى بتحتوى على كل انواع الاغذيه


لحوم ونشويات و....و.... الخ الخ الخ


ساعات بقى الحكايه تطلب بالليل اوى قبل مانام كدة اقوم ازود بالليل باى حاجه سندويتشين جبنه رومى


بيتزا – وجبه من الكيك المحشو بالشيكولاته او بالكريمه او الرول كيك ( دى حاجه من اساسيات بيتى اليومين دول )


لدرجه انى بفكر اغير اليافته اللى على باب البيت واخليها ( كيك دوور)






بالله عليكو كدة انا باكل كتير


المهم انا وزنى زاذ وخلاص ودخلت نادى المائه ( ال ميت كيلو يعنى )






طبعا تعليق كل الناس ولا يأثر معايا اساسا


لكن لما مديرى يعلق عليا ويقولى كرشك دة مش هينزل بقى – يبقى الموضوع صعب شويتين


لانه الكرش دة تاعب المدير نفسيا


شويه شويه هيكرهنى


والتقيمات والترقيات وكله هيبوظ






خلاص هو الراجل مش طايق شكلى ( بصراحه عندة حق)






بفتح التليفزيون بالليل لقيت اعلان موجه الى حضرتى شخصيا


( خط الخسسان – اتصل الان وانت هتخس 8 كيلو فى الاسبوع- لا تترد – انت يا ابو كرش – ايوة انت )


انا ؟؟


ايوة اتصل لو عايز مديرك يرضى عنك اتصل الان بجنيه ونص بس هترضى مراتك وحماتك بجنيه ونص بس


حس على دمك يا تخيييين )






مسكت التليفون وانا طاير من الفرح ............... وانتوا عارفين الباقى طبعا ( كنت هخس حسرة على كارت الشحن اللى ضاع )


واحد صاحبى دلنى على برشام للتخسيس


قلت ايوة كدة انا دخلت مرحله البراشيم ربنا يستر ومادخلش مرحله الحقن – لا يعم الله الغنى






قالولى العب رياضه ..... بالعب مرة فى الاسبوع كورة وبجرى لما يتقطع نفسى وما فيش فايدة


طب اعمل طيب


اضرب براشيم – ولا حقن – ولا اشم مثلا – ولا اتصل بالناس اللى بيخلصوا كروت الشحن


ولا امشى فى سكه سيد عضلات


عايزنى اشيل حديد وابقى زيه عندى مجانص . اهوه مجانص احسن من الكرش ويمكن ساعتها مديرى يخاف منى






افتكرت البنت التخينه اللى عايزة تتخطب . تلاقيها شغاله ريجيمات ورياضه وتخسيس لحد لما تبقى زى العصايا


يجى عريس الغلفه يخطبها ويتجوزوا وبعد 3 شهور من الجواز يكتشف انه متجوز 3 فى واحد






كله كوم بقى وشاى التخسيس واعشاب التخسيس وحزام التخسيس وشراب التخسيس






اشتريت فى يوم حزام التخسيس اللى بخليك الكرش يعرق ويقوم منزل الدهون كلها ( على اساس ان الدهون هتسيح من حرارة جسمى )


طبعا قعدت اعرق اعرق لحد لما جالى حساسيه فى كرشى


بقى عندى كرش وحساسيه فى نفس الوقت








الثلاثاء، 2 مارس، 2010

بفكر أغير نشاطى بعد ماشفت المصيبه دى


شد انتباهى اوى


خلانى اركز واركز


علشان افهم ايه القصه بالظبط


مش فاهم


مسمار بيحاولوا يدقوه فى الجدار بس بينتنى


قلت اكيد الجدار دة خرسانه


المفروض يجيبوا شنيور يخرموا بيه وبعد كدة يركبوا المسار براحتهم






لكن بعد شويه جابو مسمار ازرق ومن اول دقه خرم الجدار






فى الاخر اكتشفت ان ده اعلان جديد للفياجرا







عادى يعنى الفياجرا دى دوا للرجاله الكبار فى السن او مرضى القلب بيساعدهم على ممارسه حياتهم الطبيعيه






مافيش مانع يعنى


شويه لقيت اعلان حامد ....رجع جامد


ودة ايه حكايته كمان


عادى يعنى .... حامد كان خسع وبعدين ربنا كرمه واخد حبايه سداسيه الابعاد حمرا اللون والحمد لله


رجع جامد


بس السؤال اللى محيرنى رجع جامد زى زمان ..... ولا ...عمره ما كان جامد اصلا


ماعلينا يعم


******


المهم


خلى السلاح صاحى صاحى صاحي


****






وشويه والحجه بتسال ابو العيال ايه ؟؟؟ هو لسه مش شغال ؟؟؟!!!!!!!


يرد الحج وهو فى غايه الخجل ..... عادى


كله عادى






طبعا الحجه مخبيه للحج الحل اللى هيخليه عمرة ماهيبقى فاصل شحن


**********






وبعدين يجى واحد تانى يقول لصاحبه هنكسب النهاردة الماتش


يرد عليه وهو فى غايه الخزى


يعم الفورمه ضاعت






يطلعله العلبه من جيبه ويقولك خد يعم فارو فيجا


هتخليك


ترقص وتباصى وتشوط


وكمان هتلعلب وقت اضافى


يالعييييب


*********


بس سؤال اخير


تعرف ازاى الراجل اللى بيستخدم فيركتا ؟؟؟


هتلاقيه ماشى فى الشارع عمال بيرقص


او شغال فى مصنعه وبيهز وسطه






هذا هو المستوى الراقى






اما المستوى المنحدر من القضيه فتجدة وسط عامه الناس


مايسمى ب التيرمادول واى حبايه مسكن والحياه حلوه






والراجل من دول يدخل الصيداليه فارد صدرة كانه عنتر بن شداد وبكل ثقه بالنفس وبجاحه انا عايز شريط من الازرق يا دكتور






والراجل فى الصيداليه فى اول رف اللى قدام كل الزباين وعلى البنش اللى بيتعامل بيه مع الزباين راصص العلب الزرقا والحمرا عادى جدا










وفى احدى الزيارات للعطار وجدت قائمه طويله عريضه من التحويجات والتحويطات المكتوب عليها ( للكبار فقط)


( الحياه الزوجيه السعيده) ------ ( مشروب الشباب)-------






هدىء السرعه تصل الى السعادة الزوجيه






والان مع القشه التى قصمت ظهر البعير






(وكشف الدكتور خليفة(محمد خليفة المدير التنفيذى لشركة فايزر صاحبة حق توزيع فياجرا فى الشرق الاوسط) ان مليار و800 مليون قرص فياجرا تم بيعها منذ عام 1998 حتى الآن( 6-2009) ،ومعدل الاستهلاك مقارنة بعدد الرجال بشكل عام يصل الى 6 اقراص كل ثانية فى مصر أما أكبر مستخدم للفياجرا فهى الولايات المتحدة الامريكية والاولى على الدول العربية هى المملكة العربية السعودية ،تليها مصر)(نقلا)






لذا فكرت ان اغير نشاطى


بس ازاى ؟؟؟؟؟؟؟؟؟؟؟؟؟؟!!!!!!!!!!!!!!


اشتغل ل........ (سورى فى اللفظ)






بجد صحيح هو مش عيب ولا عيب


يجيلى الراجل من دول اديله الحبايه واقوله بالهنا والشفا ___ ولا اقوله ربنا يشفيك


لا لا فى الحاله دى المفروض اقوله ....................... سعيدة يا ساعت البيه






ويعدى عليا تانى يوم الصبح يرفعلى ايده بعد ما قفل كل صوابعه ورفع صباعه الابهام : الله ينور ميه ميه






مستوى الاداء كان رائع


والاقى عيل صغير جايبلى طاجن لحمه وبيقولى ( امى بتقولك اتوصى ببابا النهاردة الخميس )






والراجل يقابل صاحبه يقوله انا رايح اشحن من عند فلان ( اللى هو انا يعنى)


واعمل يافته كبيرة اكتب فيها للرجال فقط (– شحن على الهوا --- تحويل رصيد ---- رنات ----- دقائق مجانيه)






لا يعم الله الغني


ربنا يكون فى عون كل صيدلى ... ويكون فى عون كل الرجاله


وخلى السلاح صاحى صاحى صاحي