السبت، 22 يناير، 2011

مهاترات عاقل: مهاترات

مهاترات عاقل: مهاترات: "<a href='http://www.geovisite.com/zoom.php' target='_blank'><img src='http://geoloc17.geovisite.com/private/geocount..."


weather counter

الجمعة، 21 يناير، 2011

مهاترات

بعد  ما تحول شارع مجلس الشعب الى اكبر ساحة اعتصام فى البلد - السنة اللى فاتت - من غير اى نتيجة طبعا -وكنا بنادى الحكومة تجهز خيم للمعتصمين
 من كتر الاعتصامات علشان تحميهم من البرد
دلوقتى بناشد الحكومة انه  توفر بنزينة أمام المجلس الموقر و يكون متوفر فيها بنزين 92 او سبرتوه احمر علشان نوفر على المواطنين اللى رايحين ينتحروا
بدل ما يشيلوا البنزين فى قزازة وتطلع فى الاخر القزازة فاضية والاشتغلات دى

*******
فى تونس واحد انتحر الرئيس والحكومة هربوا
فى مصر "الاهلى" اتغلب  حسام البدرى والجهاز المعاون اتنحوا
واضح ان الحال واحد فى كل ارجاء الوطن العربى

*******
 اللى حصل فى تونس يخلينا نفكر اننا  نغير الاسم الشهير لتونس بدل" تونس الخضراء " ونخليها تونس الحمرا- لان هناك الشعب ورى الحكومة العين الحمرا
واقول لاى معارض فى مصر واى ثورجى     " الحمرا " تونس الحمرا - توكيد لفظى للجملة الاولى

*******

باستغرب اوى من الناس اللى مش عاجبها وضع البلد وعايزين الرئيس يتغير ويحصل قال ايه تبادل سلطات
ياريت تروحوا تسالوا ادارة النادى الاهلى
ليه كل ما بتمشوا مانويل جوزيه برتجوا تبوسوا ايدية علشان يرجع يدرب الاهلى تانى



 اخيرا اكتشوف العصابة اللى ورا حادث كنيسة الاسكندرية واتضح انها العصابة  الباكستانية  اياها اللى حرقت قطر الصعيد من كام سنة وغرقت العبارة 
رجعت تانى وضربت الكنيسة 
حتى باكستان مخنوقة مننا