الجمعة، 24 يونيو، 2011

من أنتم .......بوست مرتبط بما قبله

السلام عليكم ورحمة الله وبركاته
قال الله جل وعلا محدثا عن يوسف أو عن أمرأة العزيز فهناك خلاف على من القائل  " وما أبرىء نفسى أن النفس لأمارة بالسؤ ألا ما رحم ربى "



انا أتبع علماء السلفيه الذين تعلمت على ايديهم ......
وأن كنت لا اعمل بعملهم ولا بعلمهم .
فأنا أحبهم وأحب ان احشر معهم فى زمرة النبي محمد صلى الله عليه وسلم وأسأل الله أن يتوب علينا
*****
المدونة " مهاترات عاقل " فقط لكتابه المهاترات والتخيلات والنقد الساخر ...ليس لنشر فكر دينى أو سياسي
- " مدونه روحانيات" أحيانا اكتب فيها تعلقات روحانيه تعليقا على أيات من القران الكريم

**********
اعجبني الاعتراف بالخطأ للشيخ محمد عبد المقصود - قبل جمعه الغضب على ما أظن والذى أعلن فيه تأيده للثورة بعدما كان حذر من المشاركه ونقل قولا أظنه للأمام أبوحنيفه قال---ها أنا أقول القول اليوم وأرجع عنه غدا --- ولم يتكبر الشيخ ويتمسك برأيه بعد أن علم أنه أخطأ

*********
تأذيت كثيرا من أسلوب الحوار الدائر بين طرفى الأمه أسلاميين وعلمانيين 
فهذا ليس من تعاليم الاسلام ...أن نسمى واحد مسلم ... القرموطى  أو نقول لأخر يالك من طويل الرقبة عالى السنام مش " جمل" بردوا
..مهما قال بجهله فهو جاهل وقد تكون المعامله الحسنه سبيلا لهدايته اما التريقه فيقينا ستزيده تكبرا وعنادا

وهؤلاء الذين يسخرون من العلماء الذين أفنوا أعمارهم طلبا للعلم ودعوه الى الله وصلت من مشارق الارض لمغاربها وأهتدى على أيديهم وتعلم الناس الحق والباطل ...هل هذه السخريه جزء من ديموقراطيتكم المزعومة ؟؟

فالأسلاميون الذين يسخرون من العلمانيون ....ساكون ضدهم  حتى يكفوا عن السخريه
والعلمانيون الذين لا يوقرون الأسلاميون ......سأكون ضدهم حتى يكفوا عن السخريه ..وانا كده كده ضدهم فى منهجهم







***********
لن أرد على العالمانين ولا منهجهم فالجميع يعرف الفرق  وعليه أن يختار
الدين ....أو اللادين
تعبكوا ايه أننا نلغى محلات بيع الخمور
ونلغى المراقص والكباريهات والملاهى الليليه
تعبكوا أيه اننا عايزين الزكاه تفرض على الاغنياء ....ولا الضرايب اللى بتتهربوا منها أو بتدفعوا رشاوى وتقللوها عاجباكو
كل عاقل يعلم أن الصلاح هو أتباع شرع الله ولكن ما يخوف الجميع وأنا منهم ....
.أن يأتى علينا من يطبق الشرع هذا على هواه أو ان يكون غليظا ضيق الأفق يكلفنا ما لا طاقه لنا به
لكننا كأفراد أبشركم أذا أخلصنا النيه لله عز وجل ..وأتبعنا الدعاه الى أسلمه الدوله .....لن يضرنا من يولى علينا أهو صالح أم فاسد
فأذا كان صالح ...كسبنا الدنيا والاخرة
واذا كان فاسد ...كسبنا الاخرة بنوايانا

**************
أقولها للجميع
قل كلٌ يعمل على شاكلته فَرَبُّكُم أعلم بمن هو أهدى سبيلاً 

*****
أما موضوع البوست اللى تحت ....فقلنا أن دى مدونة
مهاترات.... والحمد لله أنا لسه عاااااقل


أنا عامل دماغ




تقريبا أول مره أجرب انى أعمل دماغ
دماغ اللى هيه بجد دماغ ....ليس مجازا ولا اى حاجه
لاء  دماغ ....من ماركه الكله أو الحاجات اللى بتتشرب أو الحاجات اللى بتتعاطى
بكرر تانى" بدون أى مجازات"

الناس القديمه فى الحاجات دى طبعا حافظين اللاعراض لكن بما أنى أومره والموضوع جديد عليا
فسيبونى أوصف حالتى
أولا حاسس أنى دماغى بتاكلنى والحوار بتاع الراجل أبو سجارة بنى ...الكلام ده طلع كلام أغانى ولا يمت بالواقع بشىء
فدماغى مستريحه جدا جدا أربعه وعشرين قيراط
أشعر بهدؤ لذيذ وكأنى أعيش فى صرح من الخيال....تقريبا نفس الدماغ اللى كنت بعملها لما كنت بزور أبن خالى ونخرج نتمشى فى الغيط لحد الفجر
وموضوع الشارع اللى ورايا ....حاسس أنه ورايا مش قدامى لا لا عادى جدا والشارع اللى قدام قدام واللى ورا ورا
أنا خرجت مخصوص علشان أتاكد من الحوار ده


أنا دلوقتى بس عذرت كل السواقيين اللى بيتعاطوا - تقريبا كلهم بيتعاطوا علشان يعرفوا يمشوا فى شوارع البلد دى بهدؤ اعصاب
وعذرت كل العمال اللى بيشتغلوا بالليل وبيتعاطوا علشان يعرفوا يسهروا
لأنى دلوقتى مش عارف انام خالص
هو بدأ بس صداع خفيف يضرب فى رأسى من الخلف ...تقريبا لما حاولت أفوق وأكتب البوست ده
لذا هقفل المدونه بدل ما الصداع ينتقل الى كل رأسى
*****************
اه قبل ما أقفل
ياريت أى حد مش عاجبه أى حد تانى كدهوه ومختلف معاه فى الرأى أو ف أى حاجة
ياريت يحط نفسه مكانه ولو ليوم واحد
يعنى أنا حطيت نفسى مكان المساطيل لذلك عذرت كل الشمامين والحشاشين ربنا يتوب عليهم وعلينا



أه أشعر بخفقان فى القلب وصداع ......هبقى أراجع البوست لما أفوق
صباح الروقان

الأحد، 19 يونيو، 2011

الـــدستـــور أولا



من النصائح الغالية التى تقدمها الأم " الحمى" لبنتها قبل الزواج  الزن على الودان واللت والعجن والرغى عملا بالمثل القائل
الزن على الودان أمر من السحر

بما انى  قلت " نعم " للتعديلات الدستورية وذلك أقتناعا منى ب
1- ضرورة تحرك العجله السياسية فى البلد
2- نقل السلطه السلمى من الجيش الى رئيس وحكومة مدنيه حتى يتفرغ الجيش لحمايه حدود الوطن
3- عدم المساس بهوية مصر الاسلاميه بالتعرض للمادة الثانيه من الدستور التى يعتبر وجودها الخطوة الاولى فى تطبيق الشريعه الذى هو غايه هدفى
4- تحرك عجله الانتاج بعد أن توقفت المصانع والاعمال وتعطلت التجارات والاستثمارات
5- عودة الأمن متمثله فى جهاز الشرطة

الان وبعد الزن على الودان اياما وشهورا فى كل القنوات والنشرات
هؤلاء القلة الذين يريدون أن يلتفوا على نتيجة الأستفتاء وعلى رغبة الشعب
قد يظن البعض أنى سأكتب متهما لهم بكل هذة التهم
لا والله لم أكتب لأتهم أحد ولا أشكك فى وطنية احد

تعالوا لنتسائل
ماذا سيفعل المجلس المنتخب بعد الدستور الجديد ؟؟ او بعد ان يتغير دورة وتتغير مهامه ؟
وكذلك رئيس الجمهوريه ... سينتخب اليوم بصلاحيات من ثم تتغير هذة الصلاحيات بعد سنه !!! أهذا من المنطق!!!
فهؤلاء المنادون بالدستور اولا ...يرون أنه من المهم أن يكون
 بناء الاساسات أولا ثم الانتخابات البرلمانية ثم الرئاسيه - الطريق قبل السفر
وأظن الكلام دة منطقى جدا ....نحط القواعد الاساسية للدوله المدنيه
نستفتى الشعب على الدستور ولو فيه تعديلات يتم تعديلها كل الكلام دة خلال سنه
وطبعا محدش هيقدر " بعد الاستفتاء بتاع 19 مارس" محدش هيقدر يقرب من هويه مصر الاسلاميه ولا المادة الثانيه من الدستور 
ويكون فى السنه دى الاحزاب الجديدة اتشكلت وشباب التحرير والنشطاء حددوا اهدافهم وكونوا رموزهم
أظن هذا هو عين العدل الذى من أجله قامت الثورة " عيش حريه عداله "
فى النهايه
لن يستأثر الاحزاب الجاهزة كجماعه الاخوان المسلمون ولا السلفيون بالأغلبيه فجأة أو الفوز بالتزكيه لضعف المنافسين

أليس هذا ما قامت لأجله الثورة ؟؟؟ عدم احتكار السلطة بيد جماعه او حزب .... هل تريدون أن نخلق لأنفسنا ديكتاتورا جديدا؟؟
هل قوة الأخوان المسلمون و السلفيون - أجمع الاخوان المسلمون مع السلفيون لعلمى بقوة السلفيون التى تقترب من معادله الاخوان المسلمون -
هل قوه الاخوان المسلمون السلفيون ضعيفه مما تجعلهم يخافوا من الأحزاب الجديدة ؟؟؟
أنتم جماعات راسخة فلما الخوف أذن ؟؟
يتكون ألف ألف حزب ما ضركم أنتم ؟؟

هل الدستور أولا يعطل الحركة السياسية للبلاد ؟؟
نرى التقدم الملحوظ الذى تقوم به حكومة شرف ألا بعض تقصير من الداخليه التى لا تزال تحتاج الى المزيد من التطهير
هل الجيش متضر كثيرا من تواجدة فى الحياه المدنيه ؟؟
حتى لو قليل أنها تضحيه سنبنى بها مجدنا لسنوات قادمة

هل عجلة الانتاج متعطلة ؟؟؟ 
بعد الاستقرار النسبى الامنى وبعد أنتهاء موجة الأضرابات والاعتصامات الفئوية تحركت العجلة ولله الحمد ....واظن الأن نرى بوضوح أنه لا علاقة بالدستور أولا أو الدستور أخرا علاقة بعجلة الانتاج

.الطريق قبل السفر
الأساس قبل البناء
الدستور أولا


الاثنين، 13 يونيو، 2011

ماركة مسجلة



قالوا قديما ...يموت الزمار وصباعه ....بيلعب
وقالوا حديثا .... صاحب محلات الفيديو جيم بيكتب على قبرة
 " game over"

أثناء تصفحى لموقع اليوم السابع بشوف اخر اخبار البلد
وقعت على عنوان خبر...مجرد ما شفت العنوان ...مت على نفسي من الضحك
فقلت لازم أفتح الخبر ده ..مش علشان أقراه لاء علشان أشوف تعليقات الناس
وظنى طلع ف محله كله التعليقات عباره عن

ههههههههههههههههههههههههههههه

أو
hahahahahhahahahha

حتى لقيت

hoooooo

يا سيدى ...أقصد يا سى دى
أتفضل شوف الخبر ...ولا أقولك كفايه عليك تشوف عنوان  الخبر
هههههههههههههههههههههههههههه

http://www.youm7.com/News.asp?NewsID=432546&SecID=65&IssueID=0

الاثنين، 6 يونيو، 2011

كاريكاتير ساخر

بصراحة اللى خلانى أخرج من حاله البريك والروقان اللى كنت فيهم
ما يجرى اليوم من كاريكاتيرات مستهزئه بأمة المسلمين وأهل الدين

الطبيعى أنى اجيب الكاريكاتير وأحطة فى البوست - لكنى مؤمن ان ده يعتبر تشهير وأعلان للأساءه

أقولها لك
أكتب وأرسم براحتك .....
لن أستشد لك من أيات القرأن كقول ربنا - "واذا مروا بهم يتغامزون "
لأنك ستقول لى أنى أستخدم الدين والقرأن كوسيله أحتمى خلفها
أرسم وأسخر براحتك ...فاليوم عمل بلا حساب ....وغدا حساب بلا عمل


وأقول لمن مست يده ولسانه أحد العلماء والمشايخ الأفاضل ...قديما ...
بماذا تعلق على هذا الكاريكاتير للفنان الساخر اللى حضرتك بتعزه

الذى سخر من الشيخ اللى حضرتك مش بتحبه !!!