الثلاثاء، 27 سبتمبر، 2011

المشير ينزل الى الشارع بالزى الملكى

المشير حسين طنطاوى ينزل الى الشارع بالزى المدنى وبدون حراسه فى زيارة مفاجئة




تخيلات لردود الأفعال حول الخبر

مذيع القناه المصرية ………….دة هو دة الاصلح يبقى رئيس مصر فى المرحلة القادمة
... مذيع قناة الجزيرة …………… هو عايز يكسب الشعب قبل 30 سبتمبر لكن الشعب المصرى فاهم كويس الحركات دى
مذيع قناه اون تى فى …………. كان غيرك أشطر
مذيع قناه الناس………………ايه التواضع ده ربنا يزيدك تواضع
رئيس حزب " أحنا أسفين يا ريس" ……تسلم. على الواجب اللى عملتو مع الريس
البرادعى ………………….. يجب أن نثور على المجلس العسكرى والمشير أبو بدله
مدحت شلبى ………………. ايه يعم الشياكه والاناقة والحلاوة والطعامه والخفة دى يا سلام عليك يا مشير
ابراهيم عيسى …………….. المشير أبو بدله ليس شرط صحة عندى
مرتضى منصور ..................... كله معايا فى السى دى ..يلبس بدله يلبس ميري انا اللى هيقربلى هطلع تتتتتيته
عمرو أديب .......................... دا لو المشير مسك البلد أنا هسيبهالهم وأمشى .... على كندا
الشيخ حازم صلاح أبو اسماعيل ................. انا هديلك مهله تقلع البدله 48 ساعه وبعدها هتشوف الوييييل
عبود الزمر .......................... لو المشير ماسلمش السلطة ف ميعادها ...هنطخه زى ما طخينا اللى قبله
جواز المشير من فؤادة باطل ...................باااااااااااااطل
تامر حسنى ………………. والله العظيم المشير ده زى العسل
حسنى مبارك ……………. اتنططط بروح ….. ماكنتش بتفتح بقك وانا موجود يا ابن التييييييت
منى الشازلى ........................اييه اه اى اللللل المششير نزل الللل شارع وهو لاااااابس بدله ...أأأكيد فيه أأأ أنه
الكبير قوى ...........................مافش أنتخابات ........جزرة وقطمها جحش
تلكس الى :محمود معروف ..................... هو احنا خلصنا من جوزية أبو بدله الكفتجى يطلعلنا المشير
الاخوان ………………….. دى مبادرة كويسه من المشير انه ينزل الشارع بلا تكلف كفرد من افراد الشعب
أعداء الاخوان …………….. الاخوان متواطئين مع المجلس العسكرى
السلفيين …………………. تلبس بدله تلبس جلابيه …المهم الانتخابات تجرى ف معادها
أهالى الشهداء ……………...انت أتفقت مع مبارك تطلعه من السجن فى مقابل انك تمسك البلد ... يا خونه!!
الفاهمييين …………………ده ماشى تبع الاجندة الامريكيه والمؤامرة الصهيونيه وهينفرد بالحكم
اللى مش فاهمين ………….. ابن حلال والله طيب كدة وأمير ألاومره
الفاضيين ………………… دى نفس البدله اللى حضر بيها فرح بنته من سنتين

الكرويين ………………… من التلاته شمال ..هنهد جبال ….مشيركبير مشير عظيم اديله صوتى وبردوا قليل

أعلان بيريل ……………… أسترجل وسيبك م اللبس الميري
أعلان قوتونيل …………….. فيه اللى مريحك …. وفيه اللى مطلع عين أمك
اعلان بيبسى ……………….. انا هختار بيبسى للمشير بالبدلة السودة

الاثنين، 26 سبتمبر، 2011

30 سبتمبر




  هتنزل يوم 30 سبتمبر ....ولا أنت شايف أن خلاص الثورة خلصت ؟؟
هتنزل يوم 30 سبتمبر .... ولا كل أمنياتك فى البلد أتحققت ؟؟
هتنزل يوم 30 سبتمبر .... ولا أنت خايف ليتقال عليك فوضوى ومش عايز استقرار للبلد؟
هتنزل يوم 30 سبتمبر .... ولا أنت شايف المجلس العسكرى ماشى على الخطى اللى وعد بيها ؟؟
اذا كان وعد أصلا هتنزل يوم 30 سبتمبر .... ولا هتقولى عجله الانتاج و القله المندسه ؟؟
هتنزل يوم 30 سبتمبر .... ولا عاجبك حكم العسكر ؟؟

 هتنزل يوم 30 سبتمبر .... ولا هتتفرج على التليفزيون لو أتفرجت على التليفزيون

ياريت ماتصدقش لو قالوا عننا مش مصريين ولا أجندات ولا مخربين لو قلت كدة وغيرك قال ان السلفيين ولعوا الكنايس وبيمولوا من السعودية وغيرك قال ان الاخوان مربطين مع العكسرى او بيمولوا من ايران

يبقى خطتهم نجحت وفرق تسد بتاعتهم كسبت

سنظل ثائرين حتى يتم تطهير وطننا وتتحقق كل مطالب شعبنا
سنظل ثائرين دون ان نتسبب فى تعطيل المصالح
سنظل ثائرين دون أن نضر باى ممتلكات
سنظل ثائرين دون ان نهمل اعمالنا واماكننا ،
سنظل ثائرين ضد الظلم والخطأ فى اى مكان كان ،
سنظل ثائرين حتى نرى العدالة قد انتشرت فيما بيننا ،
سنظل ثائرين حتى يكون الرئيس والمرؤسين امام القانون سواء ،
سنظل ثائرين حتى نرى النور ساطع فينا،
سنظل ثائرين وسنبدأ بثورة اصلاح فى أنفسنا حتى نبنى مجتمعا فاضلا يبث العدل ويطرد اى ظلم او خطيئة .
سنظل ثائرين حتى تكون راية أمتنا اعلى الرايات ،
سنظل ثائرين حتى ترسل الامم وفودها الينا كى يتلقوا عنا العلم ، ويتعلموا منا القيم

الجمعة، 23 سبتمبر، 2011

ثورة ...خدها الغراب وطار




بينما أنا جالس اشاهد فيديوهات الثورة وايام " أرحل ...أرحل"
اذا باللى قاعد جنبي بيقول " الشعب يريد أسقاط النظام " زى ما كنت بعلمه ايام الثورة الايام التى لن تمحى من ذاكرة جيل بأكلمه
على الرغم من عدم مشاركتى بجسدى ولكنى تابعتها لحظة بلحظة كملايين المصريين الذى تمنوا المشاركة
دائما انا مع القول بأن مشاهدة الماتشات فى التليفزيون افضل كثيرا من الذهاب الى الاستاد

لكن ..... للمشاركون ذكرياتهم الخاصه

بعدها مر على ذاكرتى شريط للثمانيه أشهر الماضية . بداية من جمعة النصر أول مشاركة فعلية لى فى الثورة - محدش يقولى انتى جاى بعد الثورة ما خلصت - لاء طبعا رحيل مبارك ليس هو النهاية المرجوة من الثورة فلنقل برحيل مبارك بدأت الثورة -

وتوالت الاحداث.... الى ان انتهت الثورة ... انتهت بمعنى بح ...خلاص... فينيتو
من كان يظن ان الهدف الاسمى للثورة هو رحيل الرئيس ... فمبروك يا ريس ... الثورة نجحت .....وزى الفل
أم من رزق بالفهم فيعلم يقينا ان كلمة ثورة كلمة اشتغلونا بيها على مدار ثمانية أشهر
والجيش والشعب أيد واحدة .......... أشتغاله والله يا رجاله
وعصام شرف أخذ شرعيتة من الميدان .............. هههههههههه

سؤال سيطرح نفسه قريبا على ورقة امتحانات الشهادة الاعدادية
ما هى نتائج ثورة الخامس والعشرون من يناير التى قام بها شباب مصر والتى فجرها " كلنا خالد سعيد"؟؟؟
سأعلم الصغير اللى قاعد جنبي اللى بيقول " الشعب يريد أسقاط النظام "
علشان لما يوصل الاعدادية ان شاء الله يكون حافظ الاجابة

بص يا حبيبى كان فيه ولد وحش أسمه خالد سعيد كان بيعمل حاجات وحشه - مش هقوله بقى انه كان شمام ولا سرنجاتى ولا تاجر بانجو لانه الواد لسه صغير ولا أٌقولكوا هقوله علشان محدش يضحك عليه
وهعلمه كمان اهم قصه للى ف سنه قصه النعجة الحمقاء وقصه الحكيم الذى اعطى أولادة حزمة حطب وكسروها لما أتحدوا
وهحكيه قصه غزوة أحد لما نزل المسلمون لجمع الغنائم فهزموا
وهكيله على الكذابين والافاقين المؤرخين والصحفيين فى كل العصور اذاى همه اللى بيتحكموا فى وصول المعلومات عبر التاريخ بدماغهم النجسه
سأخبرة ان فى كل عصر وعلى مر العصور حاملون للدين متبعين للنبي محمد صلى الله عليه وسلم بدرجات متفاوتة
وأعداء للدين  بدرجات متفاوتة
وسأعلمه الكلمة التى اتحدوا عليها فنصروا ولما باعوها خسروا
" الشعب يريد أسقاط النظام "

الخميس، 22 سبتمبر، 2011

انت مع مين ؟؟

الاستبيان ده دخل دماغى جدا
تعالوا نشغل مخنا ونشوف ممكن نعمل ايه



يا ترى لو هناك دولة ما أعلنت قيام الخلافة على أرضها و فتحت بجيشها أو طوعا الدول المحيطة بها
و عندما أخطرت مصر بالانضمام للخلافة ... كان موقف مصر ( رئيسا و مجلسا ) -بغض النظر عن التيار الحاكم - الرفض
تعاملت معها باعتبارها استعمارية
كيف سيكون رد فعلك حينها
... 1-ستؤيد الموقف المصري و تحارب ضد الجيش الغازي
2-هل ستؤيد الجيش الفاتح ضد الموقف المصري لكنك لن تجهر بذلك
3-ستؤيد و تدعم و تساعد الفاتحين
4-أم ستنتظر لمن النصر و تؤيده؟؟

انا هنزله على الفيس بوك
http://www.facebook.com/questions/2456993144152/?qa_ref=qd

الخميس، 15 سبتمبر، 2011

الفيلم السلفى الكوميدى الليبرالى النصرانى " اين محلى "



بعد نجاح فكرة سلفيو كوستا - مجموعه الشباب السلفيين اللى قنوات مجال للتعايش والمواطنه مع باقى فئات المجتمع من ليبراليين ونصارى
وبعد نجاح الفيلم الاول " أين ودنى " والذى أبرز للناس اللى ماتعرفش ازاى السلفيين  بيهزروا وبيضحكوا زى كل الناس

الان ....................وبعد طول انتظار ..................الفيلم الوثائقى ...........التراجيدى ..................الكوميدى

               أيــــــــــــــــــــــــــــــــــــــــــــــــــــــــن      محلـــــــــــــــــــــــــــــــــــــــي
تمثيل بعض الشباب السلفيين بالاشتراك مع الليبراليين واحد شباب النصارى

نكـــــــــمــــل الفيلم

هيه دى مصر بلدنا كلنا
فلنتحد لنبنيها ...ليست ملكا لأحد ولا حقرا لجماعه ....سيحكمها الأغلبيه ..... وسيحترمون الاقلية ....... وسيخضع لحكمهم الاقلية
تحيه للشباب الواعى